أسئلة جريئة لمدير مركز البصيرة عن الجيل الجديد والتسويق والتمويل — البصيرة
بودكاست البصيرة
أسئلة جريئة لمدير مركز البصيرة عن الجيل الجديد والتسويق والتمويل
مع محمد درويش
استمع إلى الحلقة
0:00--:--
يطرح رضا، مدير وسائل التواصل في مركز البصيرة، أسئلة جريئة على الشيخ محمد مدير المركز، تتناول استهداف الجيل الجديد وقِصَر مدة الدروس، وأسباب جعل الدورات مدفوعة بعد تجربة المجانية، ومعيار اختيار الدورات والأساتذة من مذاهب وأديان مختلفة، والجدل حول مشاركة النساء أستاذاتٍ ومقدماتٍ. ويتطرق الحوار إلى ضعف التفاعل على إنستغرام وقلة دعم المشاريع التعليمية، ومفهوم التعليم بالترفيه، ودورة البطل الصغير للأطفال، وحدود تخفيف الرسمية في التسويق دون الخضوع لخوارزميات المنصات.
المقاطع القادمة اللي نقدمها في التسويق راح تكون على طريقتي أنا. راح أخرج عن الطريقة البصيرة. أنا أخلى المسؤولية. العلم المجاني لا يُحترم. عندنا متعلمين مسجلين من روسيا، من صربيا، من، من فرنسا، من الكويت، من قطر، من البحرين، من لبنان. Social media خداعة جدًا. ما في، ما في برنامج، ما في موقع إسلامي، ما في كذا، في طريقة تخاطبه قاعد يستهدف الجيل الجديد. أو تروح على TikTok كله راقص وكله مثلًا كذا. صح. إن مركز البصيرة لمين؟
للعيـ... إيه، إحنا لمين؟ فلازم نتبع عرف مين. شيخ محمد. أهلًا حبيبي. شلونك؟ شلون صحتك؟ شخبارك؟ شنو مسوي؟ أنا الحمد لله. الحمد لله على الله. الله يخليك، الله يعزك. الشيخ تعرف إني أنا من الجيل الجديد بعد صح؟ إيه. وإحنا عنيدين شوي بهذه المواضيع. آآآ، راح نقدم لك اليوم عشرة أسئلة جريئة تخص المركز، وتكون أسئلة تخص السلبيات والإيجابيات الموجودة في المركز وفي المجتمع، وعن أمور عامة بعد. تمام، تمام، وأنا عندي لك عشرة أجوبة إن شاء الله جريئة. OK.
طبعًا راح أكون في كم دور، مقدم البرنامج، وأكون في دور مدير الـ Social media. Social media. إي نعم. صح. الشيخ كيف تشوف هذي المشاريع اللي إحنا نقدمها، المشاريع الثقافية اللي نقدمها؟ آآآ، أشوف أحس إنه تحصل إلى انتقاد واسع من الناس، ما تفيد كل الناس. انتقاد واسع؟ إي. من بعض بالفعل، نقول يعني. أنا من دخلت في مركز البصيرة وعملت معاكم حسيت بالانتقادات كثرت عليّ أنا شخصيًا اللي أعمل في مركز البصيرة، يقولون المشاريع اللي تقدموها ما تفيد المجتمع، مشاريعكم تخص فئة خاصة. شنو نظرك بها؟ لأن المشروع تعليمي ثقافي فيه دورات تعليمية وكذا يعني صح؟ وبعد يخص فئة خاصة. أمم، أمم، خ-- أنا أحاول أجاوب على كل سؤال بس شوي امهلني يعني عطني خليك صبور. إي أقول لك من الجيل الجديد. عشان ال-الفكرة توصل يعني قدر الإمكان أحاول، وأنا ما بطول عليك يعني. إن شاء الله. انزين؟ ما راح أجاوب على سؤال ثلاثين دقيقة يعني، بس نحاول أن نوصل الفكرة بشكل صح. بالنسبة للأمور الثقافية، هل الجيل الجديد، آآآ، مهتم بهذه الأمور أو لا؟ أنا عندي اعتقاد أن الجيل الجديد هو جيل ذكي، ولكن شوي مدلل بسبب الـ Social media، وشوي مشوش ذهنًا. أنت طبيعة Instagram وقت اللي تشوفها تروح من فيديو إلى فيديو، كرة قدم بعدين مرة وحدة comedy، بعدين مرة وحدة واحد عنده بطيخ، بعدين مرة وحدة مرة، آآآ- تنتقد على Instagram شيخ؟ هو طريقتها هذي. بس إحنا نستخدمها Instagram. نستخدمها، بس إحنا نحاول أن نستخدمها بالطريقة الصحيحة. فـ مركز البصيرة بما يعني، بما أن أحد قنواته موجودة على الـ Instagram وموجودة على أماكن ثانية أيضًا، آآآ، ملتفت لهذا الشيء ومدرك لهذا الشيء، فيحاول أنه مثلًا في طريقة دوراته أولًا يخلي مدة الدورة قصيرة. إحنا مثلًا خبرنا كل الأساتذة أن الدرس الواحد لا يكون أكثر من عشر دقائق، لأن درسنا أنه فيه أجيال مختلفة، Generation Z و Generation Alpha، انزين؟ والجيل الـ Hybrid اللي مال الثمانينات يسمونهم يعني Hybrid، هو هم يقدر يستخدم تقنية، انزين؟ آآآ، متصالح ويا هذا الشي، هم إذا تعطيه دفتر يقدر يستخدمه. بس الجيل اللي بعده جيل التسعينات، جيل الألفينات، انزين؟ اللي إنتربوا في، آآآ، الإنترنت، تربوا في Social media، انزين؟ وعندهم مدة تركيز جدًا قليلة بسبب الأشياء اللي قلت لك يعني عمومًا. مثلًا تشوف في الجيل الجديد قليل من الناس اللي مثلًا فعلًا عنده حصيلة يقرأ كتاب مثلًا ميتين وخمسين صفحة، انزين؟ ولكن الجيل القديم ما عنده مشكلة إذا هو فعلًا يشوف أنه أنا بستفيد من هذا الكتاب. شنو تحس المسبب هذا الشي؟ لو بس شوي تصبر علي في هذا الشي، انزين؟ فإحنا لأن كان في بالنا أن فيه أجيال مختلفة، فيه جمهور مخاطب مختلف، انزين؟ ولأننا ندري أنه ما في مشروع ديني ثقافي، خذ حتى من برنامج الأذان اللي في التلفون، هم مصممينه بطريقة للجيل القديم مو للجيل الجديد، انزين؟ فإحنا مثلًا رح درسنا هذا الجيل، شنو من، شنو، شنو من خصوصياته؟ شلون نقدر نستغل هذه الخصوصيات؟ أحد الأشياء أنه مثلًا الدروس نخليها مدتها قليلة، العناوين تكون جذابة. صبرهم قليل الجيل الجديد. صبرهم قليل، انزين؟ طريقة التسويق اللي أنت قاعد تسوي كمدير للـ Social media على الـ Instagram، فيديوهات خفيفة مو أكثر من خمسطعشر ثانية، مو أكثر من مثلًا إذا مثلًا فيه شي أحيان ترويج لدورة معينة مو أكثر من دقيقة، دقيقة ونص، صح ولا لا؟ صحيح، وهذا سبب لي أنا شخصيًا مشاكل طبعًا معاك أنت لأن اختلاف السن اللي بيناتنا، أنا أقول نقدم تسويق الطريقة الجديدة الحديثة، وهذا الشي ممكن يخالف القوانين الموجودة في المركز، وإحنا انزعجنا من هذه الأمور طبعًا. صحيح، إي، لأن أنا كنت مقتنع، OK، دقيقة ونص، OK، لأن الجيل الجديد لأربع دقائق عادة يقولون، انزين؟ يسمونها micro learning، التعليم المصغر، تعطي درس بعدين تعطي اختبار بسيط، تفاعل بسيط، بعدين تعطي درس ثلاث دقائق أخرى، انزين؟ أصحاب وقت اللي انطرحت هالفكرة أنه إحنا نبي نروج مثلًا لدورة نسوي promo لدورة خمسطعشر ثانية، كان شي طبيعي أنه شلون، شلون تتكلم عن دورة في خمسطعشر ثانية، هذا كان تحدي، وهو شي زين يعني، تشوف شلون الـ الـ الخلطة اللي قاعد يصير بين، بين الأجيال المختلفة، هم أنتوا شنو تحبون، إحنا شنو نحب، أنتوا شنو تتحملون، إحنا شنو نتحمل، انزين؟ يعني تقول أنه مركز البصيرة يستـ... فأنا مستأنس ترى باللي قاعد يصير. يعني تقول الـ مركز البصيرة يستهدف بس الجيل الجديد، الجيل القديم ماله. ما نقدر نقول كذا لأن الإحصائيات تبين أنه من تقريبا من 35 سنة ونازل عندنا جمهور، عندنا جمهور من، من أكثر من عشرة دول، يعني أنت ما تصدق إحنا عندنا متعلمين مسجلين من روسيا، من صربيا، من، من فرنسا، من الكويت، من قطر، من البحرين، من لبنان، من عُمان، من الإمارات. تطمح أكثر صح؟ أكيد طبعًا، بس وقت اللي الإحصائيات نشوفها نعم الأغلب يكون بين مثلا ثمنطعش سبعطعش ومثلًا ثلاثة وعشرين جديد، ولكن عندنا هو في النهاية يعتمد على الأستاذ نفسه، تارةً الدورة مثلا متقدمة جدًا يقول الجمهور المخاطب مثلا اللي عندهم مثلا ماجستير في هذا التخصص، تارةً الدورة تكون أساسية، واحد بيفهم أساسيات مثلا شغلة معينة سواء كانت دينية، ثقافية، فنية، إعلامية، تاريخية، يعتمد أكثر شيء على الأستاذ، ولكن اللي صاير حاليًا كواقع إذا نبي نتكلم عنه نعم أكثر شيء التركيز على الجيل الجديد. إيه طبعًا لأن الجيل الج- الجيل الجديد يحتاج وقت أكثر تخلي لهم لأن ممكن هذا الجيل يضيع يروح. هذا أعتبره فاخر ترى، لأنه مثل ما قلت لك ما في application ما في، ما في برنامج، ما في موقع إسلامي، ما في كذا، في طريقة تخاطبه قاعد يستهدف الجيل الجديد. Okay. أصل مو دارس إن الجيل الجديد مثلا الجيل generation alpha شنو مواصفاته؟
وإلا لو كانوا مثلا هذا، هاي الدراسة كانت موجودة في غرف الاجتماع عندهم في غرف الفكر كنت تشوف إنه كان ينعكس على المشروع، تشوف أنه عادة ما ينعكس. طبعًا ما نبي نظلم الكل، هناك في مشاريع جيدة، كثير المشاريع مثلا الصيفية اللي قاعدة تصير مثلا في الدول الإسلامية، أنا من البحرين أتكلم من البحرين، الأنشطة الصيفية اللي تصير للأطفال اللي في هالعمر كذا فلان أنشطة جيدة. حتى أنا أؤيد كلامك لأن الجيل الجديد يحتاج وقت أكثر تخلي له، جيل عنيد ويحتاج صبر أكثر. عنيد، ذكي. طبعًا من ناحية الذكاء. مدلل. مدلل. طبعًا مو كلهم.
أشرت إلى نقطة طموحك شيخ، تطمح أن المركز يوصل إلى ملايين أشخاص. ماذا السبب؟ شنو هو السبب؟ سبب مادي أو سبب ديني أو معنوي.
هذا، هاي الانتقاد جا لنا. أنا سمعت، سمعت بعض الأمور. كم مرة إن أنتوا، أنتوا خبرونا إن أنتوا مشروع تجاري ربحي، قاعدين تطلعونا فلوس من دورات، لو أنتوا مشروع مثلا روحي، فلسفي، علمي، تبون الخير للمجتمع كذا. الفسوة يا واشي. والله هو، هو جزء، هو خليط من الاثنين، خل أقول لك، إحنا مرينا بتجارب، الع-العلم المجاني
صدقها مني لأنه مرينا بتجارب، العلم المجاني لا يُحترم. دورة البصيرة في البداية كانت مجانية الدورات؟ كانت في دورات مجانية، أنت من ما يقولون لك دورة مثلا فن التصوير فلان واحد يقدمه، الحضور مجاني، ومرة يقولون لك دورة فن التصوير، الفلان يقدمه ثلاثمئة دينار، فجأة تقول أوف شكله هذا قوي، هذا مين؟ شكله مشهور شكله. أمر نفسية هذي. أمور نفسية، فاحنا جربنا فترة إن بعض الدورات تكون مجانية وكنا ندفع من فلوسنا، يعني مو إن صناعة الدورة مجانية، تقديم الدورة كان مجاني، ولكن شفنا إن هذا الشي مو، مو طريقة صحيحة. ثانيًا إحنا عندنا مصاريف في النهاية، يعني وقت اللي أنا قاعد في الستوديو أنا وأنت قاعدين بالدقيقة يُحسب،
تسجيل الدورة في الستوديو يُحسب، المصور يُحسب، المونتاج يُحسب، الserver يُحسب، الsecurity اللي على، على الموقع يُحسب، العلاقات العامة يُحسب، في، في واجد أشياء. التسويق شيخ تُحسب؟ التسويق يُحسب، فاحنا في البداية ما كان عندنا مشتركين كثيرين، اضطرينا إننا نخلي الاشتراك الشهري، الاشتراك السنوي نوعًا ما سعره غالي، لدولنا إحنا مو، ما يعتبر غالي بس لبعض الدول يعتبر غالي، خلنا مثلا خمسين دولار شهريًا، ولكن شوف لأن إحنا مو مشروع ربحي بحت قاعدين نفكر بشكل ربحي بحت، من ما عدد مشتركيننا زاد، قللنا سعر الاشتراك لأن إحنا بس نبي نطلع المصاريف اللي، اللي علينا، ناهيك عن هذا سامحني أنا طولت واجد. صح.
على فكرة إحنا كثير من المبالغ اللي نحصلها هي تدفع، خل أجيب لك باللفظ الشرعي ماله، صدقة. لما صدقة يعني. ندفع للمحتاجين، نهتم، ندفع لمن يمنات، هي أمور، أمور، أمور خيرية يعني، كثير صا- صار لنا إن مثلًا شخص كان جدًا حاب يسجل في دورة وكان يقول فعلا أنا المبلغ مو متوفر عندي. يسجل بالنجار. لأن المهم هو العلم، مهم إنهم يتعلمون، مهم إن إحنا نشوف إن في ناس قاعدين، قاعدين يستفيدون. هذا تسوي هذا الشغل على مود البعد الأخروي ولا الدنيوي؟ هو، هو مهم دنيوي هم أخروي، صح كلامك والبعد الأخ- الأخروي يكون أزياد، إن هاي نشر العلم، زكاة العلم نشرة، ولكن بعد دنيوي أنت تخيل إحنا نعيش في مجتمع بعدين الكل مستوى ثقافته عالي. هذا يفيد المجتمع والمستقبل بعد. المجتمع راح يرتقي. Okay في المستقبل هذا الموضوع طبعًا إحنا حشينا به قبل، هسه أفتحه قدامك، مركز البصيرة حاليًا ركز على الدين والمذهب شوف يعني أغلبية الدورات اللي عندنا بناء الذات، دورات مثلا أغلبية الدورات تعتبر دينية أو مشايخ موجودين في المستقبل إذا شفت ماديات بها، في هاي السالفة المركز يعني بها فلوس هواي تخرجه عن الدين، تخليه بس تعليم أمور دنيوية يعني مو أخروية. خل سؤالك أوضح. يعني تخرج مركز البصيرة عن الدين تخليه بس. وجود مشايخ. بدون مشايخ، بدون مواضيع دينية. أو تبي نقلل من المواضيع الدينية؟ هل عندك نية تسوي هذا الشي في المستقبل؟ إذا، إذا، إذا شفت هذا الشي خلي المركز يعطيك فلوس أكثر، يعطيك مثلا ربح أكثر، تسوي هذا الشي. معيارنا في اختيار يعني. إي هو معيار، المعيار. هاي اللي تبي أنت توصل له، معيارنا في اختيار الدورات، أنزين، مو مبني إن هاي الدورة راح تنباع كثير، هاي الدورة ما راح تنباع كثير، أنزين، معيارنا في اختيار الدورات كل ما يخدم المجتمع الإيماني، أنزين، اللي يخدم المجتمع الإيماني مو فقط دورات دينية، مو فقط دورات عن مثلا العقائد أو مثلا قرآنيات أو مثلا ما أدري أي شي ثاني، أنزين، تاريخية، سيرة ما كذا، الإنسان القرآني مثلا، دوراتنا كل شي، كل شي يخدم المجتمع الإيماني، فمثلا جماعة جاوا كلمونا قالوا إحنا مجموعة في، في فرنسا نقدم دورات عندنا كلنا مجسر في الذكاء الاصطناعي، إحنا نفكر فيه، إحنا بحاجة إن يكون عندنا جيل، أنزين، يكونوا فاهمين شلون يصنعون ذكاء اصطناعي مو يستخدمون ذكاء اصطناعي، أنزين، بحاجة نعم. بس الذكاء الاصطناعي مو خطر شيخ يعني ياخذ أثر. هاي بحث ثاني، رضا هاي بحث ثاني، ممكن نتكلم عنه ساعة، نتكلم podcast عن الذكاء الاصطناعي، بس مثلا دورة في التعليق الصوتي، أنزين. بس أنا أشوف أنا. نشوفه مفيد، دورة مثلا في فن التصوير نشوفه مفيد، دورة لغة فارسية نشوفه مفيد، اللغة الفارسية مو شي ديني، أنزين، ذكاء اصطناعي. يعني إذا شخص. فإذا أنت تقول معياركم شنو؟ هل معياركم فلوس؟ لا، معيارنا اللي يخدم المجتمع الإسلامي. هل راح تزايدون أكثر من الدورات الدينية أو الدورات غير الدينية؟ لا الاثنين، الاثنين. يعني إذا جاك أستاذ من غير دولة، من غير مثلا من غير ديانة. من غير ديانة، ملحد يعني. لا، لا، لا، من غير ديانة، يعني مو مسلم، نقول هج. مثلا مسيحي. مسيحي، يبي يقدم دورة تفيد المجتمع، تخلي يقدم الدورة؟ أخليه يقدم. يعني إحنا مجموعة من، من الـ، من الطلبة إن صح التعبير، طلبة العلوم الدينية أو الأكاديميين اللي قاعدين يدرسون في الجامعات في مختلف الدول، قاعدين نؤمن إنه لازم نقدم شي مفيد للمجتمع، الحين هذا الأخ ممكن يكون من نفس مذهبي أنا كشخص وممكن يكون من، من غير مذهبي، إخواننا أهل السنة، أنزين، طالما يقدر يقدم شي مفيد، أنزين، بشرطه هو وشروطه يعني، ما نبي مشاكل طائفية وكذا وفلان، أنزين، اختلافات، أصلًا مركز البصيرة كلمة البصيرة مأخوذ فيها إن البصيرة يعني الوحدة بين، بين الجميع، الوحدة على عدة مستويات، تارةً إحنا نتوحد على مستوى إنساني، إحنا كلنا إنسان. صحيح. تارةً نتوحد على مستوى ديني، أنزين، هو عنده الله، أنا عندي الله، فلان، هاي الأديان كلها، وخلونا نتحد نحو العدو المشترك الواحد اللي قاعد يخرب، أنزين تارةً على مستوى إسلامي بين المذاهب المختلفة، إنه في النهاية ربنا واحد، كعبتنا واحدة، قرآننا واحد، نبينا واحد، نتحد على، وتارةً على مستوى نفس المذهب، أنزين، لا تكون في تـ-تراشقات وكذا، فإحنا هاي، هاي الأنواع الخمسة للوحدة كلها نقبلها في مركز البصيرة، هي، هي بصيرة، بصيرة يعني وحدة. الوحدة الناس كلهم يعني. وحدة الناس كلهم، فمثلا تخيل جه واحد اسمه جورج، أوكي، يبي مثلا هو أفضل واحد في تقديم مثلا دورة في Accounting أو دورة مثلا في الذكاء الاصطناعي أو دورة مثلا في فن التصوير أو في المونتاج، ليش مهم، ليش ما نطلب العلم ولو في الصين. صحيح. أنزين، جه واحد من إخوان أهل السنة يبي يقدم شي محترم مفيد كذا، عنده فن من الفنون. كسرت علينا شيخ. ممكن. كسرت علينا، كسرت علينا على السؤال عبالي ما راح تقدر تجاوب . إشتعل. أوكيه، أكفى السؤال بعد ثاني نغير. أظن أسئلتك صعبة للحين ما جات. جايك شيخ وحدة وحدة. أشوف واجد كاتب قدامي . أكف هالموضوع، وأنا شخصيا من نزلت الفيديو في Instagram تسويق له يعني كان حتى نجذب المتابعين، الـ podcast القبل استخدمت عنصر نسوي في الـ podcast وحصلنا انتقاد يعني، أنا من أنزل مقطع تجي رسائل، أشوف الرسالة تقول ليش استخدمت عنصر نسوي هذا خارج عن الثقافة مالتنا ما يصير، ليش استخدمته أنت؟ أبين لك وجهة نظري. مع، مع إنه أنت تعرف إنه هذا الشي راح يحصل انتقاد بس استخدمته، أعطيني وجهة نظرك. أحيانا داخل الـ-الفريق الواحد، أنزين، تصير اختلافات في وجهة، وجهات النظر، يعني في موضوع مثلا هذا الـ podcast، أنزين، أو في موضوع أصلا خلينا نروح قبله، استخدام أستاذة في الدورة، أستاذة تقدم دورة معينة، صار، صار عليها انتقادات معينة، إنه أنتوا ليش خلاص اكتفوا بالرجال، ما له ضرورة يعني نساء وكذا وفلان، أنزين،
تصير اختلافات في وجهات النظر حتى داخل مجلس الإدارة، أنزين، أنا مو فقط مدير المركز، في مجلس إدارة يفكرون مع بعض، أنزين، يأخذون قرارات مع بعض، ممكن يصير اختلافات في وجهات النظر، في موضوع الأساتذة النساء احنا كنا نعرف ان ممكن العرف الخليجي لا يتقبل وجود نساء كأساتذة. صحيح. أعراف ثانية تتقبل وصرنا في نوع من الوشوشة إن مركز البصيرة لمن؟ يعني. احنا لمن؟ فلازم نتبع عرف من؟ احنا مثلا للبحرين، احنا للسعودية، احنا للعراق، احنا للبنان كل عرف مختلفة جدا. الشيء اللي مثلا هني مو طبيعي هناك طبيعي جدا جدا. عندنا بالعراق ممكن هذا الشي طبيعي. الشي اللي هني ممكن يخلق منه محظور شرعي هني لا يخلق منه محظور شرعي أبدا. فنحن صرنا أن لازم نراعي جميع الأعراف الموجودة ونمشي على الإحصائيات اللي عندنا في المركز أن أغلب جمهورنا من من؟ احنا حاليا أغلب جمهورنا من. من. من لبنان. خلنا نرجع لموضوع الأساتذة. موضوع الأساتذة. احنا شفنا أن المرأة من حقها إذا عندها علم أو مهارة معينة تقدم هذه المهارة ولكن بشرطها وشروطها. مثلا الدورة إذا فيها لها جانب نسائي مثلا تعليق صوتي. تخيل يعني وحدة تبي تتعلم تعليق صوتي وفيها الألوان المعينة وكذا وفلان و должны يقرأون بألحان مختلفة. بعض الألحان مثلا الصوت ما يصير يكون مختلط فخليناها فقط للنساء. بس هو التعليق الصوتي نفسه صوت المرأة. بيكون دورة نسائية يعني بينهم بينهم بينهم وبين بعض مثل اللي بعضهم يشتغلون مثلا في المنارة أو يشتغلون في مثلا القنوات الأخبارية مثلا. احنا نبني عن. شلون تقرأ شلون تكون مذيع. أنزين نفس اللي مثلا تبي تقدم في مأتم نسائي مثلا. أنزين هاي طريقة التعليق الصوتي هذا شلون لازم. احنا ننوي على الخير. انه ممكن هذي تروح قدام النساء بس. فخلي أنا أقول لك يعني بشكل صريح جدا إحنا جريئين في مركز البصيرة. إحنا جريئين أنزين ندرسها صح بس جريئين. فشفنا في هالموضوع إن لا لازم نعطيهم الحق يصنعون دوراتهم. صارت انتقادات بس بعدين صار شي عادي. أنزين بالنسبة لقضية البودكاست إحنا من الأساس كان فكرنا إن في أشياء يعني تمر في عقل الأنثى وجهات نظر الرجل عادة ما يفكر فيه. أنزين فإذا إحنا جبنا أحد وبغينا نعمل معاه مثلا بودكاست معين ممكن يمر في عقلي أنا بعض الأسئلة أنزين مستحيل تمر في عقل المرأة وممكن تمر في عقلها بعض الأمور مستحيل تجي. يعني وجهات النظر النسائية أنزين. هذا الشي الغربي اللي نزل في جيل الفيمينست ما تقول المرأة تقول ليش الرجال مقدم علي هذا الشي. احنا ما نشوفها من هالطريقة لأن الفيمينست احنا لا نؤمن به أنزين فمن هي نظرية باطلة أصلا اعتقاد باطل ولكن في نفس الوقت احنا نشوف أن المرأة لها الحق أنزين بحجابها بعفتها بحيائها أنزين ما يكون فيه محظورات شرعية، ما يكون فيه مثلا غشمرة، مزاح مثلا لا ضرورته مثلا. يعني ما خليت. الأمور يكون كذا، فاحنا مشينا بعرف قلنا أوك إذا الأستاذ لبناني نمشي بعرف له، إذا الأستاذ بحريني نجيب. شوف الحين مثلا هذا البودكاست البودكاست ثنائي أنزين لأن اللي في طرفك من؟ بحريني. بحريني. فنحن شنو نحاول أن نكون على كذا. فهاي هاي اللي صار. إنصافا أنا بالنسبة لي كثير من التعليقات اللي جاءت كانت تعليقات إيجابية أنزين ولكن أنا ما أخدع نفسي بهذا الشيء. الإنسان السوشال ميديا خداع جدا. رضا أنت مدير السوشيال ميديا ولازم تعرف. صحيح بيبعد يفيدك ويبعد ما يفيدك. مو تستانس كثير للي. يصفق. أنزين ولا تنصدم كثير باللي باللي ينتقد. أنت لازم تشوف الأمر الفقهي قدامك أنزين الاستشارات تكون موجودة قدامك، أنزين تقيس الأمور تشوف شنو شنو في أولوية وتساوي. احنا فكرناها بهاي الطريقة أن المرأة من حقها إذا أرادت أن تكون مذيعة، إن أرادت أن تكون مقدمة برنامج بحفظ الحجاب والحياء والاحترام وكذا لا بأس به. أخذنا تجارب من شخصيات علمائية أخرى أنزين مقابلاتها كانت مع نساء. صحيح. بدون. بدون ما. ما نجيب أسامي أنزين شخصيات احنا نعتبر نعتبرها قادة أنزين عندها مقابلات مع مع نساء
وكثير. يعني هذا الشي هذا الشي موجود. في العالم تحاول تخلي مركز البصيرة مع العرف الجديد. الجيل الجديد بعد. هم مع الجيل الجديد فهم الجيل الجديد هم مع محاولة احترام جميع الأعراف. صحيح وبعد. يمكن شي أنت ما تعرفه رضا في البودكاست القديم أنزين كم مرة لأن مثلا الموضوع عن طريق الأرواح يعني لا شعوري مو إن الشخص مثلا ينوي شي شر أنزين صار فيه بعض مثلا المزاح أنزين اللي بيني وبينك حتى لو تفكر فيها يمكن بعض الناس يقولون هذا مزاح بعض الناس يقولون مو مزاح بعض الناس ممكن يقولون زابط وبعض الناس يقولون مش زابط. حسب نظرية الناس. بس بعد احتطنا أعدنا. أعدنا التسجيل. في النهاية شوف أنا. أنا ما أدعي أن كل شي المركز يسويه ممكن يكون صحيح أنزين. إحنا قاعدين نقدم شي. مو معصومين نقول. ما أبي أجيبها كمبرر. مو معصومين فأساوي كل خطأ أنزين. بس إحنا ناس. إحنا بني بشر. ممكن نسوي بعض الأشياء تنجح أنزين ويكون في صالح المجتمع. ممكن نسوي بعض الأشياء نحصل عليها فيدباك تقييم أنزين ممكن يصير فيها تغييرات معينة. ممكن كذا. في النهاية قاعدين نحاول والنية صالحة. أنا كشخص من الجيل الجديد أؤيد كلامك مئة بالمئة يعني وهذا السؤال سألته حتى يكون تبرير للناس اللي في الجيل القديم يعني اللي انتقدوا وحصلنا. تبني عدل يعني. بلى. نغير السؤال. جايك السؤالات الـ- بعد لا تسوي أصعب من هذا.
شيخ، آآ، أكفد سؤال كان ببالي أنا شخصيًا يعني، لأني أشوف أنا مدير social media وبالإنستقرام أشوف مشاهداتنا قليلة، تفاعلنا قليل. وسألت مع نفسي يعني، قلت ليه إحنا عايشين في بلد عربي، إحنا عايشين-- يعني المركز يخص البلاد العربية، لو كنا في بلد أجنبي بأوروبا، كان مشروعنا يندعم أكثر، مشاهداته تصعد أكثر، الـ-- يعني في العادة يعني الشعب العربي أحس هذا أنا أحسه شخصيًا، ما يحبون التعليم. آآ، يريدون شي سهل، يحبون الـ-- بالإنستقرام مثلًا الفيديوهات اللي أنا أقدمها، آآ، تكلمت معك عليها، إنه لازم يكون في البداية hook، لازم يكون المحتوى جيد، ولازم يكون كله خمسطعش ثانية. هذا شي جدًا صعب، ومع ذلك كمان ما، ما نحصل مشاهدات، نسويها وما نحصل مشاهدات. أنا من ناحية شفت Explore، شيكت عليه، شفت الفيديوهات الـ komedia، الفيديوهات اللي ما بيها تعليم، الفيديوهات اللي ما منها فايدة أصلًا، هذي تحصل مشاهدات. مم. آآ، من نظرك أنت شخصيًا هذا الشي يخص إنه الغرب هجم على الشعب العربي وخلاه جذي يعني يكره التعليم؟ ده بيني وبينك حتى الشعب الغربي نفس الشي. أنا شفت الدورات اللي يقدموها بالـ- في، في كتاب، في كتاب عن التفاهة، إنزين بطرش لك بعدين- التفاهة؟ اقرأه. إن الناس عادةً يحبون الأمور التافهة. أنت تقول أردخل على الـ Explore أشوف آآ، أشوف مثلًا كله komedia، كله حركات وما أدري شنو، أو تروح على TikTok كله راقصة، كله مثلًا كذا. صحيح. الناس عمومًا آآ، الـ ح-- الإمام علي عليه السلام يقول: "الحق ثقيل مر، والباطل خفيف حلو". صحيح. ركزت في هذا؟ إي، يعني كل شي باطل ننعج-- ينعجب فيه. فيها شوي، والحق شوي في، في ثقل. الـ- التعليم، التعلم من الأمور الحق. هون نفس هذا- مشان لا يصير تلبيس يعني على، إحنا قاعدين نطبق هذا الحين على هذا. إنزين؟ التعلم، التعليم، إنزين؟ اكتساب مهارات، هاي من الأمور الحقة، إنزين؟ اللي ش-- يعني زين، يعني حلو، إنزين؟ ساعات يصير عند الواحد تثاقل، أنت حتى حق مدرستك مثلًا تبي تدرس ساعات، مثلًا عندك امتحان كذا ما تخليه إلا قبلها بساعات. صحيح. فاحنا خل-- خلنا نكون واقعيين، إحنا قاعدين نت-نتعامل مع مركز البصيرة اللي هو شنو؟ التعليم، إنزين؟ فشي طبيعي إن عدد المشاهدات، عدد كذا فلان جذي. أحيانا أبي أعطيك، أبي شوي يعني أكون إيجابي أكثر، إنزين؟ إي. وأبي أعترف بفضلك. مشكور شيخ. صراحة رضا، أنت من، من أول ما دخلت في المركز، إنزين؟ لا بالعكس عدد مشاهداتنا زادت، عدد الـ followers كثير زاد. نطمح للأكثر شيخ. نطمح للأكثر، شي طبيعي هاي، إنزين؟ شي طبيعي ونطمح للـ، للـ، للأكثر. في جزء من سؤالك كان فيه إنه لو كنت في بلد ثاني- إي. صح؟ صح. شنو كنت تسوي مختلف؟ إي يعني لو كان-- كنت في بلد حر ومستقر أكثر من البلد اللي عايشين فيه. أنا، أنا ما أعتبر إنه هاي، هاي البلد مو حر، إنزين؟ أو مو، مو مستقر أو مو، مو، مو كذا، إنزين؟ سواء الحين إذا بغيت أتكلم كأنه بحريني، إنزين؟ أو بغيت أتكلم إنه أنا طالب علم في، في قومي المقدسة يعني، آآ، بس- محدودين شيخ، إحنا محدودين، ما نقدر. آها، في بعض الـ-- آآ، أوكي حر، أنا إش بالي راح سياسي. لا، لا، لا مرة نسوي- يعني إنه في محدوديات، أنا معاك في هاي النقطة، إنزين؟ آآ، كثير هني مثلًا آآ، تبي تكلمهم يقدمون مثلًا آآ، دعم معنوي، دعم مالي، كذا، ولكن يكونون صامتين. ما يدعمون هاي الـ، هاي النوع من المشاريع. مو بس مشروعي أنا كمركز البصيرة، واحد يجيه يقول أنا أبي مثلًا أسوي بناية بكبرها، إنزين؟ أسوي أفلام على مستوى هوليوود. قليل اللي- يدعم. حتى كم-- طريقة التبرعات، يعني أنت تشوف المواسم مثلًا في محرم في كذا فلان، أكثر-- أغلب الـ تبر-- التبرعات يكون لـ، لوين؟ للأكل. للأكل، إنزين؟ بس تجي تقول له مثلًا نبي نشتري، آآ، أربع كاميرات جديدة لأننا نبي نسوي مثلًا جودة عملنا أحلى. ما حد يتبرع. ادفع كم ذا؟ مو، مو يعني ما، ما تركب في، في، في المخوخ. تبي دعم مالي مثلًا ما تحصل دعم مالي. آآ، عندنا ثقافة الـ-التحقير الذاتي كثير. إي، صحيح، أنا أوافق هذا الشي. إن لا ما تقدر كذا فلان. أنا الحين مثلًا بعض أصدقائي الشي اللي يعجبهم يقولون الدرويش شنو، شنو اللي يعجبنا فيه؟ إنه ما ييأس، نفسه طوييييل. أنا قايل هذه الشغلة، إي قبل- سنتين كان يجي يقعد ويانا واللابتوب على رجوله ويكتب ويقول مركز البصيرة عنده خمس مشتركين. أنا، أنا أقول لك شيخ عن قصتي معاك يعني، أبي أضيف لك إياها بعدين يعني من اتفقنا. أوكي. ما، ما ييأس، إنزين؟ عنده هذا الشي. فـ هاي المحدوديات موجودة. أقول لك شي ما تصدق؟ شف شيخ. إحنا لأنهم عندنا سجل تجاري في البحرين، هم عندنا سجل تجاري في الهند، وقاعدين نشتغل نطلع سجل تجاري في عُمان، في الكويت، في دول ثانية، عشان الهدف إن الشهادة تكون معتمدة قانونيًا، هاي الهدف، إنزين؟ نظامنا المالي على بريطانيا. أنت الحين اشتركت في الموقع، ألا؟ صحيح. الفلوس يروح هناك، وبعدين إحنا نجيبه، نرجعه إلى- هذي يخص إنه في، إحنا في دولة ما تدعمها. المعلومة الصادمة اللي أبي أعطيك، إنه أنا كنت في الـ application تبع الـ، الـ، الترددات المالية مالتي، إنزين؟ طالع لي رسالة إنه شفناك إنه سنتين متفاعل ودائمًا في ترددات مالية والمشروع كذا ناجح، نبي ندفع لك عشرين ألف دولار، إنزين؟ كقرض- مساعدة. تترجعه، إي كتمويل يعني. تخيل يعني. هذا مستعد تلقائنا. هني شوي صعب، يعني نقول لواحد أعطني مثلًا ثلاثة آلاف دولار أبي أشتري كاميرا أو استوديو أو مثلًا كذا. لازم تذل روحك كثير، واحنا كمركز ما نحب نذل روحنا، احنا ما، ما نحب نطلب من أحد. أحد الأسباب إن المشروع تجاري وفيه اشتراكات وشذي، لأن احنا ما بغينا نعتمد على التبرعات، التبرعات يجيك شهر في السنة ممكن تسعة أشهر ما يجيك، فانت ما عندك استدامة في الشغل مالك. على الأقل دخلت دورات تسجيل مالي. إي، بس آخر نقطة أضيفها، لو أنا كنت في أوروبا ومسوي المركز، إي، كنت أستخدم ناس من جميع الأطياف والأديان في المركز وقدرات هائلة، ممكن دوراتنا كانت حتى على شكل أفلام هوليوودية. بس لأن إحنا مو هناك. أحس هناك إيدي أفتح من ناحية المهارات، أنزين؟ كنت أقدر أستخدم المخرج الفلاني، الممثل الفلاني، الكذا الفلاني، كل شي من Instagram, promo وكذا وفلان، إلا نفس الدورة، واحد كان يحس روحه كأنه في رحلة سينمائية. أخف-- نقطة. تخيل، هاي تقول الجيل الجديد، الجيل الجديد هذا، الجيل الجديد يحب شذي. يحب التطور، يحب الـ-- التكنولوجيا بسرعة. ما، الجيل الجديد ما يحب أستاذه يجي يقعد ولو عشر دقايق، إحنا صح سويناها عشر دقايق، بس حتى عشر دق-- ما يحب أستاذه يجي يقعد يقول أعوذ بالله من الشيطان الرجيم، مو، مو قصدي قلة احترام، أنزين؟ قصدي الأسلوب التقليدي. بسم الله الرحمن الرحيم، درسنا اليوم حول الكذا والـ- أنا مليت.
أنزين؟
صحيح أدري. هاد ما أتكلم فيه. حتى من قلت إنه الـ-- المشايخ اللي يروحون على المنبر مثلًا ويطولون في الكلام، يعني ممكن كلامهم يعني نحترمهم لأن كلامهم كله جيد ونصائح وحكم، بس لكن أنا كجيل جديد، أعتبر من الجيل الجديد ما أسمع، لأن ما، ما عندي صبر الصراحة، كلنا إحنا جيل جديد ما عندنا صبر. وهذا كله إله في، في فن التسويق، مبادئ الإقناع الست، اللي لازم كثير من طلبتنا يقرأون هذه الأمور، يعرفون الجيل الجديد شلون، مع احترامي نعم اللي، اللي يذكر عليه المنابر جدًا أشياء، إحنا تربينا على المنابر، أنزين؟ فاستفدنا كثير يعني، ولكن، اه، واحد لازم-- يعني الطالب العالم أو عالم الدين لازم ما يكون راضي إنه يقول أكو، في خمسين واحد تحت منبري، أوكي في خمسين واحد تحت منبرك، في عشرة آلاف أصم وقاعدين يسمعونا. بس اللي أفهمه من عندك أنت، أنت تاخذ الكلام مال المشايخ عن المنبر وتخليه ملخص. احنا قاعدين نسوي ثورة في عالم التعليم في مركز البصيرة. تخليه ملخص، وتخليه يفيد الجيل، يسمعه الجيل الجديد. أعطيك، أعطيك مفاجأة أفجرها لك. OK. أنزين؟ إحنا في مركز البصيرة حتى قاعدين لهالمستوى نفكر إن كلمة دورة غلط، لا تفيد باللي إحنا قاعدين نطمح له. للحين ما وصلنا إلى، إلى الكلمة الصح، أنزين؟ ممكن تكون- بتوضح أكثر؟ ما فهمت. ممكن تكون رحلة. إحنا دوراتنا رحلة، رحلة يعني شنو؟ مثلًا، اه، أنت تبي تتعلم مثلًا تكاس صناعي، هي رحلة، مقاعد محدودة، عشرة أشخاص فقط، نوديكم إلى الدولة الفلانية، أنزين؟ في ثلاث جامعات، أنزين؟ تحضرون بعض الورشات، بعض الكذا، بعض الفلان، يكون معاكم مثلًا إذا ما تعرفون إنقليزي يكون معاكم مترجم، إذا ما تعرفون فارسي مثلًا يكون معاكم مترجم، أنزين؟ وفيها نوع من الترفيه أيضًا. مو دورة اللغة الفارسية. الرحلة. الرحلة الفارسية، يجون حملة ناخذ لهم كذا، نوديهم لأفضل الشخصيات الفارسية هني، لبعض الشعراء، لبعض العلماء، لبعض الكذا، أنزين؟ نعيشهم الجو، أنزين؟ نوديهم، وفي ترفيه، نوديهم شمال إيران في الطبيعة والأنهر والشلال كذا. يحبون هذا الشي، يحبون هذا الـ-- طريقة التقديم هاي. أنت قاعد تقول جيل جديد، أنزين؟ هذا هو. إحنا لا، إحنا ما-- إحنا، إحنا واحد بالمئة وصلنا في مركز البصيرة، للحين الطريق طويل. صح. يعني حتى لو كانت دورات إحنا نطمح يوم من الأيام عندنا مئة ألف دورة في المركز. أنا، أنا شخصيًا من أجيت، شفت أول يوم شفت، تعرفت على مركز البصيرة وقلت أنضم لعائلة البصيرة يعني، انتبهت أول لقطة اللي جذبتني الـ-- للمركز مو الدورات، مو الفكرة، لا، أنت شخصيًا شيخ. لا. أنا أقول لك ليش، طموحك شيخ وأنت دائمًا إيجابي يعني، تطلع تقول أريد نكون مثلًا دورة بمركز كل الناس يعرفه ويفيد الناس، يعني الناس تستفيد من عنده، وهذا شي جذبني، تقول أنا ممكن هملا أحصل أجر وثواب يعني إنه الناس تستفاد من مركز البصيرة. لأ أنا قريت في كتاب، إنه إذا تبي تقوي موظفينك أو تقوي فريقك الـ- المبدع المبتكر كذا وفلان، تعطي لهم أهداف عالية. من فين شيخ؟ يقول لك الـ، الهدف حدده، مثلًا أنا أبي منك، اه، تـ- مثلًا توصل Instagram مالنا إلى عشرة آلاف، هاي الهدف، يقول له اضربه ضرب عشرة، وعطى، أنزين؟ قول أنا أطمح إلى Instagram مليوني، أنزين؟ أنا أطمح إلى كذا وكذا كذا، أنزين؟ هذا يعطيهم قوة ودافع جدًا أكبر إنه يفكرون فيه، مثلًا عشرة آlaf، أنزين؟ عشرة آلاف شنو الحين؟ Comedian واحد يسوي حركات تافهة. يحصل مية ألف. مية ألف، أنزين؟ وإحنا مركز ودورات واستوديو كذا وذا بحين عمرنا في كذا دولة قاعدين نسجل، أنزين؟ فدائمًا عط روحك فوق. هاي المشايخ جدًا نواجهها. وأعطيك معلومة، أنزين؟ أنت تكلمت الحين عن، عن المركز، ليش انضممت إلى المركز؟ اليهود، أنزين؟ إي نعم. عندهم صفة.
هاي، هاي تحصلها في مسلسل اسمه WeCrashed، أنزين؟ على Apple TV، أنزين؟ شو غشوا؟ إن اليهود شلون يصنعون بزنساتهم، شلون يصنعون مؤسساتهم، شلون كذا. هاي، هاي جدًا يكون ملحوظ في هالمسلسل، اليهود يقرأون كثير. قبل لا يفتح مشروع يقرأ ألف كتاب. سمع، سمع يقول أن احنا أمة لا تقرأ، أنزين؟ أو إي أمة لا تقرأ. اليهود اللي يميزهم في هاي الأمور التجارية وشذي، يقرأون. مثلًا هو يبي يسوي روضة جديدة أو مدرسة جديدة، نظام تعليمي جديد، عادي قبل ما يبدأ المشروع يقرأ ثلاثين أربعين كتاب في هذا الشي. هذا الشي موجود، صحيح. يقرأ. إحنا لازم نقرأ، إحنا ما نقرأ. إحنا ما نقرأ. أكبر الـ brands في العالم بيد اليهود. وقت اللي تشوف-- بالضبط، وقت اللي تشوف مثلًا routine هم، أربع الصبح على طول قاعد، أنزين؟ عنده يقرأ مثلًا كذا كتاب في، في الشهر الواحد. المخ ذي يتطور، المخ ما يتطور بالـ TikTok والـ Instagram. تقدر تسوي هذا الشي؟ إحنا Instagram عندنا وسيلة صح عشان نوصل للناس، بس واحد ما يتعلم من Instagram. أساس مركز البصيرة هو هذا، أنت ما تتعلم من YouTube، روح اقعد طالع عليه.
شيخ سؤال بين كلامك، أنت تقدر تخلي هالمتعلمين مالتنا يعني، تخليهم مثل فكر اليهود يعني، من يفتحون مشروع يقرون كتاب ويقعدون أربع الصبح، يخدمون الإسلام يعني مو- إي، هو أساسًا مو فكر اليهود، هو فكر الإسلام، يعني القراءة والتعلم كذا، شقد اقرأ، أول ما واحد يدخل في، في الحوزة يعلمونه منية المريد، كتاب منية المريد. تقدر تسوي هذا التغيير في الجيل هذا؟ كل الأحاديث اللي عن العلم والتعلم وشذي. قاعدين نحاول، قاعدين نحاول. بس شوف إحنا عندنا تاريخًا الجيل يكون،
آآآ يكون ذكي، أنزين؟ إحنا نواجه إلى الشي الصح. صح. تاريخًا الجيل يكون مدلل، مشوش، إحنا نحاول نربيه. بس إحنا ما نقدر نتعامل مع الشخص الكسول. هذا آآآ بس سؤال أقاطعك، دورة- الكسول مكانه مو في مركز البصيرة. دورة البطل الصغير الحين نزلتها، خاص هذا الشي؟ لا، دورة البطل الصغير آآآ هي دورة للأطفال، هي أول دورة مخاطبها أطفال يعني عمرهم ست سنوات. يعني تبني هذا الجيل بعد مصار- بالضبط إي. آآآ من هالباب. إي، إي. فهمت عليك الحين، أنزين؟ فشذي. إحنا نقدر نتعامل مع جميع أنواع المخاطب إلا الكسول، اللي هو ما يبي، هو ما يبي إحنا بعد ما نبي، أنزين؟ إحنا قاعدين نعلم بكرامة، لا نعلم بذلة. تعال عاد سجل. ما عندنا هالأشياء، إحنا تعبانين على دورات، دوراتنا عميقة، دورات تفتح الفكر، أنزين؟ دورة البطل الصغير تركز على آآآ ست سنوات إلى اثنا عشر سنة أو الحين عشر سنوات، أنزين؟ وتسعين درس. شو تعلمهم؟ شو تعلمهم؟ تدري شقد تعبنا على هالمنهج، أنزين؟ هو كأنه طرح الولاية ولكن بشكل مصغر للأطفال. تبي سيرة؟ موجود. تبي بر الوالدين؟ موجود. تبي آداب؟ موجود. تبي قصص الأنبياء؟ موجود. تبي تقنية؟ موجود. تبي الـ، الـ حدود بين الذكر والأنثى؟ موجود. تبي ألعاب الأنتماء التكنولوجي موجود- ما يخلي الطفل يمل. الحلو فيه إنه شذي، إنه، إنه كشكولي. تغيير فيه. وإحنا مركزين على الأساتذة لأن كانت عندنا تجربة السنة الماضية طورناها الآن إلى الموسم الجديد للبطل الصغير، ومركزين على الأساتذة، لازم تكون في ألعاب، مسابقات، ما في إنه أنت تفتح درس مع مثلًا عشرة أطفال في مجموعة تقعد نص ساعة تتكلم، ما في، ما في. وكل اللي مختارينهم هم من الأشخاص اللي عادة قاعدين يتعاملون في المراكز اللي فيها أطفال. الطفل، الطفل يمل إذا شاف شي ما اقرأ- إي سؤال، مسابقة، يلا اللي هذا يرفع إيده، أنزين؟ شذي. رسم وحركات، تمثيل، في بعض الدروس في هذا المنهج، أنزين؟ إحنا آآآ قايلين للأستاذ إن هاي الدرس لازم يجب أن يعطى عن طريق تمثيل، يعني قبل لا جهز روحك أنت بتلعب أدوار. شفت فيديو في الـ Instagram إنه طفل، طفلين كانوا- إي هاي مثلًا كان نشاط للأطفال إنه نقوله عن شجاعة الإمام علي عليه السلام عن طريق مثلًا تمثيلية، الأطفال يحبون هالأشياء، أنزين؟
ف هذا الموضوع، أوكي. آآآ بعد السؤال بعد يعني، مو سؤال يعني أريد أطرح الموضوع معاك وإش قد- أسد اطلب لنا ماي لو سمحت. إي والله ماي الحين نحتاج. آآآ الأخر، أخر حسنة.
الموضوع اللي أتكلم معاك هو الموضوع الحين شخصيًا وعملي معاكم للـ Instagram. قبل كم يوم قعدنا وتكلمنا إذا تذكر قلت لك شنو هي القوانين مال التسويق واللي لازم أراعيها من أنزل مقطع جديد، يعني لازم أتمسك في هذه الأمور وأنزل المقطع، بس أنا قريت القوانين مال مركز البصيرة، إذا أطبق هذه القوانين الفيديو ما يصير trend، ما يروح في الـ explore. تقدر تتساهل مع هذه الأمور يعني يا شيخ؟ تفضل شيخ. أحسن تحلي.
تقدر مثلًا آآآ تتساهل مع هاي القوانين، تخلي شوي مثلًا كوميديا في التسويق، تخلي شوي أمور مرحة نفس الوقت بيها تعليم، يعني بيها نتيجة زينة تخلي الناس تنجذب إلى المركز، بس نستخدم الأساليب اللي في الـ explore، فهمت كيف يعني؟ طبعًا ممكن راح نحصل، أنا أدري إنه راح نحصل انتقاد لكن راح نستفاد جدًا من الموضوع.
تتوافق على هذا الشي؟ وأنا أوعدك إنه نوصل إلى نتيجة يعني، نخلي المركز مو عشرة آلاف، عشرة آلاف قليل، خليه مية ألف، خليه ميتين ألف إذا استخدمنا هذه الطرق.
تبي أوضح أكثر؟ لا، الفكرة واضحة عندي. جيلكم. إنت تستهدف جيلنا شيخ. يعني جاي تقول إنه المتعلمين من أعمار الثمنطعش إلى الخمسة وعشرين أو من عشرة إلى خمسة وعشرين، ما أعرف. فـ الـ– اللي عمره خمسطعش، اللي عمره سبعطعش، أنا، أغلب وقتي وين؟ في Instagram. وشنا باوي؟ بالـ explore شنو باوي؟ مقاطع تافهة، مقاطع تضحك. نادرًا ما ألقى مثلًا شيخ يتكلم يقول، ''نعم، نحن في دورة فلان وفلان ونقدم شذي.'' أسوي له skip بسرعة، وخره. بس إذا أقدمها بطريقة الحديث، الطريقة الـ-اللي موجودة في الـ explore، راح يدخل للـ explore الفيديو اللي نقدمه. توافق؟
أنا أؤمن بك.
فروح، بس الـ-- لا تصير ركيكة يعني. كثير يعني- شوي نخفف الرسمية في المركز. بنخفف الرسمية، أنزين؟ وامش على اللي أنت تؤمن به. آآ، ولكن الـ-المحاضر الشرعية لازم نحضرها. أكيد. مو– لأنه تشوف، هاي مشكلة الترندات تدري شنو هي ربا؟ أنت بروحك تقول لي كم مرة. تقول لي، Instagram هالسنة غيروا الخوارزمية مالتهم، الحين شي ثاني يهمهم. مو كل سنة، أصلًا كل ثلاثة أشهر يغيروا. خوب، إحـ-- واحنا نصير شنو، عبيد للـ-للـ Instagram، أنزين؟ كل مرة ما يطلبوه Instagram، الحين Instagram قاعد يركز على الـ comedy، فلازم نخلي comedy. بعدين، لا، الحين Instagram قاعد يركز على المحتوى التعليمي المفيد، أنزين؟ آآ، قاعد ذليل اللي يوديهم. فمرة وحدة نغير وجهتنا نخلي مثلًا مقاطع. لازم إحنا تكون عندنا شخصياتنا، أنزين؟ أنا ما أقول أنه لا تسوي. آآ، اللي أنت تؤمن به، لأنه أنت تقرأ كثير عن هاي الأمور- صحيح. أنزين؟ فا اللي أنت تؤمن به اعمل به. اوكي؟ فقط خلي في جزء من ذهنك هاي المسألة. ما يخرج عن الدين وعن أي شي. مو بس ما يخرج عن الدين. Instagram لا يلعب بنا. إحنا نلعب بـ Instagram. إحنا نلعب بـ Instagram. أنا أبوي الله يرحمه- الله يرحمه. أنزين، كان عنده دائمًا مثال يذكره، يقول كان شاب وكان فيه شي ثقيل جدًا، مقاولات وشذي، أنزين؟ يبون يشيلونه ومو قادرين أربعة. عام. فقال لهم، قال لهم آآ، الـ-الـ-الحديدة متحكمة فيكم لو أنتم متحكمين في الحديدة؟ قالوا إحنا متحكمين في الحديدة، شالوها وودوها. فا بنفس السنة- فيقول دائمًا اش-- أنت تتحكم في الشي مو الشي يتحكم فيك. أوكي، أنا، أنا إن شاء الله من الـ-المقاطع القادمة اللي نقدمها في التسويق راح تكون على طريقتي أنا. راح أخرج عن الطريقة البسيطة . أنا أخلى المسؤولية، ما عندي أي مسؤولية
. أوكي، روح على السؤال التالي. بالنسبة للمتعلمون اللي عندنا، أنت شنو تشوفهم؟ المتعلمين. المتعلمين. جمهور ذكي، أم مدلل؟
آآ، أوضح لك أكثر عن السؤال يعني؟ أو فهم-- وصلت الفكرة؟ آآ، هو، هو ذكي، قلت لك يعني. يريد الحقيقة أو الترفيه؟ مدلل ما أدري يعني. يريد الحقيقة، الواقع أو الترفيه. يمكن أنا أخليه مشوش. شنو؟ يريد الحقيقة، الواقع أو الترفيه.
يريد الترفيه في نظري، أنزين؟ ولذلك آآ، في، في مفهوم جديد في عالم التعليم يسمونه edutainment. وهي مأخوذة من كلمتين education يعني تعليم، entertainment يعني ترفيه. رابطينهم ببعض صار edutainment، أنزين؟ يعني التعليم بالترفيه. أظن إذا إحنا بغينا ننجح في دوراتنا، هم من ناحية المدة، هم من ناحية الأسلوب وطريقة التقديم وشذي، أنزين؟ ليش أقول لك أنا لو كنت مثلًا في أوروبا في هاي المياد، سويت فلم هوليوودي، ترفيه، تعليم ترفيه، أنزين؟ ويا-ويا بعض. فا أحس أنه هو، هو جيل ترفيهي أكثر شي، أنزين؟ بدأت الـ podcast قلت لك راح أستلمك شيخ اليوم. لنرجع شوي لورا على السؤال اللي رحت أسأله لك. مشروع مركز البصيرة، إذا-- بس الـ-الفكرة توضح أكثر ببالي أنا شخصيًا.
مشروع مركز البصيرة مشروع ديني متنكر؟ شلون يعني متنكر؟ متنكر بالدين. لا، هو مشروع ديني روحي ولكن آآ، بالصبغة جديدة. تعتبر بالص-بالصبغة جديدة. يعني إحنا خليناها في حلة تناسب الزمان مالنا، الزمان والمكان مالنا. العالم بزمانه ومكانه، أنزين؟ ما جبناها بالطريقة التقليدية. إحنا قا-حتى قاعدين نفكر نسوي application للمركز، للتلفونات الـ Android وتـ-لتلفونات الـ iOS. ممكن-- قاعدين نفكر في ميزات الـ gamification، يعني التعليم عن طريق اللعب، أنزين؟ كل ما مثلًا تروح وشذي تحصل نقطة بعدين تنفتح أمامك مثلًا أرض مثلًا مزرعة معينة، بعدين لازم مثلًا هاي التحدي تخلصه عشان توصل إلى الـ level الجديد، أنزين؟ هاي قاعدين نفكر، وشغلة صعبة يعني فـ-يبي لها programming. صحيح، هذا التفكير جدًا يعني. بس الفريق قاعد يشتغل عليه. فهل إحنا متنكر يعني جايين شذي- بالدين. آي. لا، هو فعلًا ديني ولكن آآ، بلباس يناسب الزمان. فايت جدًا.
يعني جاوبت على كل أسئلتي. هاي أظن خمسطعشر سؤال أنت سألت، ما كان ... والله صدمتني شيخ، يعني قلت ممكن الشيخ راح شوية ما تقدر تجاوب على الأسئلة، لكن جاوبت عليه كلها. الله أعلم أنا ما، ما، ما حضرت للـ-للـ-للـ- الأسئلة، أي. للأسئلة أو مثلًا شنو ممكن أنت تقول كذا وفلان هذا. بس لأنه أنا، أنا اللي، اللي فيني وقت اللي أعيش مشروع أعطيه كلي، أنزين؟ ما أقدر حتى، حتى، حتى مثلًا إذا مشغول بشي أحد يكلمني ما أقدر أركز على شي. صحيح، تعتبر هذا الشي. فا إذا أعطي روحي لمشروع، أنزين، م-ما بتركه إلا وهو ينجح، يوصل إلى نجاح عالمي، أنزين؟ فا شي طبيعي إنه هاي الأسئلة لأنه مختصة بمركز البصيرة، أنا أعيشها. فا تعرف الجواب كله يعني. أي. ندردش يعني.
كانت-- كان نقاش جيد شيخ. حبيبي والله، حاضرين لك، إن شاء الله نكررها. إن شاء الله نعيدها وأفضل. تصلح تكون مقدم ترى ها. خلاص podcastيات الجاية إذا تقدر أنت أصلًا أخلك وياهم. إن شاء الله، شوف وضعنا . جدًا يعني مهاراتك جيدة. مشكور شيخ. إن شاء الله نحضر لك أسئلة أقوى، أنا أحس روحي خسرت . شت عور، خادمك حبيبي. يسلمك شيخ. حبيبي والله، الله يخليك.
التعليقات
شارك فكرة أو اسأل عن هذه المقالة. التعليقات يقرؤها الجميع، وتحتاج إلى تسجيل الدخول لتكتب تعليقًا.
